Доктор Мирослав Гроздановски, невролог во Поликлиниката „Букурешт“, во редакцијата на „Слободен печат“ се пожалил дека, откако минатата недела ја фотографирал спорната табла, каде што одделението за „дермавенетерологија“ беше погрешно напишано, добил решение за прераспределба во друга поликлиника. Според него, самото тоа што ја фотографирал таблата, претставувало основа поради која директорот на Здравствениот дом-Скопје, доктор Виктор Исијановски, го префрлил во друга институција.
„Имаме колешка која е помлада од мене 25 години, а јас сум на четири години до пензија. По правилата на нештата, обично секогаш се праќаат помлади колеги во друга клиника. Му кажав на директорот дека во ‘Букурешт’ направив врвен европски кабинет и еве гледате, од суета нечија, што се случува. И тоа јас не ја објавив фотографијата, туку професорот Никола Пановски. Ама не можеш по магарето, па удри по самарот. Ми прави мобинг, не ми ја дава честа ни правдината, кога има помлада колешка да оди таа, а не јас. Јас ја фотографирав таблата и тоа е причината за мојата распределба, дефинитивно. Тоа е јавна табла, патоказ за луѓето. Не сум фотографирал нешто тајно. Одлуката за прераспределбата, дојде отпосле откако ја фотографирав. Четвртокот се случи, си коментирав со колегите приватно. Не објавив ништо, објави Никола Пановски. Попладнето ја заменија таблата, а утредента околу 13 часот кога дојдов на работа курир ми достави решение за прераспределба од петти дека сум распределен во ‘Бит-пазар’. Значи, месецот почнал. Нормално дека не го потпишав решението. Му пишав допис на директорот Исијановски и денеска разговарав со него и ми кажа дека експерт како мене му треба на ‘Бит-пазар’ и дека одлуката е конечна. Му реков дека ќе дадам отказ, зашто сум на четири години пред пензија, но тој рече дека одлуката му е конечна. Не сака да ја отповика одлуката и негира дека ме распределува поради тоа што ја фотографирав таблата“,
изјави за „Слободен печат“ доктор Гроздановски.
Директорот на Здравствениот дом-Скопје, доктор Виктор Исијановски, вели дека прераспределбата на докторот невролог, која се случила во петокот, не е резултат на тоа што ја фотографирал несоодветната табла на Одделението за дерматовенерологија.
Целиот текст може да го прочитате тука.