Преговорите со С Македонија сѐ уште не се на дневен ред на ЕУ

На 23 февруари ќе се одржи вториот состанок на министрите за европски прашања откако земјите членки за првпат не усвоија никакви заклучоци за Западен Балкан, а Бугарија ја блокираше нашата земја

Португалското претседателство треба да го одржи вториот министерски состанок за општи работи идната недела, но проширувањето и преговорите со Северна Македонија и натаму не се на дневен ред, јавува МИА од Брисел.

На 23 февруари ќе се одржи вториот состанок на министрите за европски прашања откако земјите членки во ЕУ за прв пат не усвоија никакви заклучоци за западниот Балкан, а Северна Македонија беше блокирана од страна на Бугарија за почетокот на преговорите поради билатералниот спор.

„Ниту на овој состанок прашањето нема да биде на дневен ред. Немаме коментар за ова во моментов, работиме на овие прашања, но нема да бидат дел од дискусиите“, изјавил висок дипломатски извор од Брисел за МИА.

Во декември минатата година, по макотрпни преговори помеѓу земјите членки на ЕУ, Чешка и Словачка одлучија да ги блокираат заклучоците за проширувањето, поради инсистирањето на Софија да се вметне реченица поврзана за “погрешното толкување на историјата“.

Чешка и Словачка го блокираа усвојувањето на заклучоците за Западен Балкан во Советот на ЕУ – не се согласуваат со текстот за С Македонија

Претходно Софија ја блокираше и преговарачката рамка за Северна Македонија. Ова беше прв пат во историјата да нема никакви заклучоци за западен Балкан на декемвриски самит на ЕУ.

Амбасадорите на ЕУ ги потврдија заклучоците за Западен Балкан со компромис за бугарските барања

Од тогаш темата не е вратена на дневен ред. Според некои дипломати во Брисел се чека на подобра атмосфера во Бугарија по изборите како и на напредокот помеѓу Скопје и Софија во нивните билатерални односи.