Амбасадорот на Словенија смета дека има позитивни објави од бугарската страна што некако најавува попрагматичен пристап. Меѓутоа, за „малку несреќна ситуација“ тој ја смета оставката на премиерот Зоран Заев што ќе донесе нова ситуација и ќе се загуби некое време. Затоа вели добро е изборот на новата Владата во Скопје да се случи до крајот на јануари
Мислам дека е време Северна Македонија конечно да испрати амбасадор во Софија. Мислам дека тоа секако не помогна, да се нема амбасадор и силно дипломатско претставништво во Софија, секако беше причина што можеби комуникацијата не беше како што треба, и не треба да биде кој било, вели словенечкиот амбасадор во земјава, Милан Предан, во неделното интервју на Радио Слободна Европа (РСЕ).
На Северна Македонија, вели амбасадорот, ѝ треба „навистина искусен дипломат“ кој ќе биде во секојдневен контакт со новата влада бидејќи ова, според него, е единствен начин да се постигне договор и можеби да се скрати времето потребно за тоа.
Предан во интервјуто не сака да коментира за договорот од девет точки на бугарскиот премиер Кирил Петков со коалициските партнери во новата Влада за позицијата кон Скопје, но смета дека има позитивни објави од бугарската страна што некако најавува попрагматичен пристап. Меѓутоа, за „малку несреќна ситуација“ тој ја смета оставката на премиерот Зоран Заев што ќе донесе нова ситуација и ќе се загуби некое време.
„Мислам дека е многу важно овој дијалог со новата бугарска влада да започне што е можно поскоро, бидејќи за да се постигне договор на ниво на ЕУ ќе биде потребен компромис на билатерално ниво. Сега како што споменавме имаме малку несреќна ситуација повторно. Имаме влада во Софија, но, имаме ситуација во оваа земја каде премиерот ќе поднесе оставка што значи дека целата влада ќе поднесе оставка. Ќе имаме тотално нова ситуација и ќе биде потребен најмалку еден месец да се формира нова влада, што значи дека повторно ќе загубиме некое време. Ќе биде многу добро ако ова се случи за време на празниците и до крајот на јануари новата влада на Северна Македонија ќе биде поставена“,
вели Предан потенцирајќи ја тука и важноста земјава да испрати амбасадор во Софија.
Целото интервју на словенечкиот амбасадор можете да го прочитате ТУКА.