Пратеничката листа ја респектирам, донесена е на најдемократски начин, а ќе ни обезбеди европска иднина, вели Ковачевски

Според него, доколку се погледнат предложените носители, но и другите кандидати, вели дека ќе се види дека меѓу нив се наоѓаат луѓе кои успешно се справија со ковид пандемијата, луѓе кои успешно се справија со економската и енергетската криза

Ова се победничките пратенички листи на изборите на 8 мај, кои ќе обезбедат европска иднина на државата. Ова денеска во интервју за МРТВ 1 го ијзави претседателот на Социјалдемократскиот сојуз на Македонија, Димитар Ковачевски.

„СДСМ и коалицијата нудат една исклучителна квалитетна пратеничка листа која прво ќе обезбеди доверба од граѓаните, а потоа ќе ги застапува во Парламентот со цел да се обезбеди европска иднина ма државата,

рече тој.

Според него, доколку се погледнат предложените носители, но и другите кандидати, вели дека ќе се види дека меѓу нив се наоѓаат луѓе кои успешно се справија со ковид пандемијата, луѓе кои успешно се справија со економската и енергетската криза.

„Луѓе кои успешно се справија со големата инфлација, со покачување на плати и пензии, но и луѓе кои работена на зголемување на инвестициите и намалување на невработеноста. Се работи за листа која ја респектирам, која беше донесена на најдемократски начин, со едногласни одлуки на ЦО и на ИО и со 99, 98 отсто оф присутните делегати на конгресот“,

рече Ковачевски.

Европски плати, поддршка за младите, достоинствен живот за пензионерите – претставени десетте главни столба во изборната програма на СДСМ

Освен што ги претстави десетте главни столба на партиската програма, лидерот на СДСМ пред два дена на 28. конгрес официјално ги објави и имињата на носителите и коносителите на пратеничките листи на Социјалдемократскиот сојуз и коалицијата во шесте изборни единици.

Ковачевски ги објави имињата на носителите на пратеничките листи на СДСМ, нивна потврда се очекува на вечерашниот конгрес