Во моментов горат трева и грмушки, а противпожарните екипи прават напори огнот да не ја зафати и боровата шума во близина
Сериозен пожар вечерва беснее во регионот на Липковско на линијата од селата Слупчане – Ваксинце во насока кон Алашевце.
Според информациите од Центарот за управување со кризи (ЦУК), тој се разгорел доцна попладнево.
„Линијата на огнот е подолга од 300 метри. Во близина има борова шума. Се прават напори да се спречи ширење во таа насока. Гори трева и грмушки“,
велат од ЦУК.
Денеска, противпожарните екипи во земјава се бореа и со голем пожар во Богданци кај тамошниот ветерен парк. Пожарот избувна вчера, а денеска попладне беше изгаснат и екипите се повлекоа од местото. Покрај овие, во текот на денот ЦУК регистрираше уште 10 други пожари на отворено во државата.