Детскиот фонд на Обединетите нации (УНИЦЕФ) објави дека на заробените во водата, меѓу кои и повеќе од 772 000 деца, им е потребна итна помош
Североисточниот дел на Бангладеш се справува со монсунски дождови и надојдени води на реките во Индија. Повеќе од два милиони луѓе се погодени од големите поплави, а ситуацијата може да се влоши, јавија светските агенции.
Детскиот фонд на Обединетите нации (УНИЦЕФ) објави дека на заробените во водата, меѓу кои и повеќе од 772 000 деца, им е потребна итна помош.
„Децата се најранливи бидејќи се изложени на зголемен ризик од давење, неухранетост, смртоносни болести кои се пренесуваат преку вода, трауми од раселување и потенцијална злоупотреба во преполните засолништа“,
изјави Шелдон Јет, претставник на УНИЦЕФ во Бангладеш.
Метеоролозите прогнозираат нови обилни дождови во следните неколку дена, кои би можеле да ја влошат ситуацијата со поплавите и да предизвикаат лизгање на земјиштето во ридските области.