На Инфективната клиника во изминативе 24 часа примени се 8 пациенти заболени од ковид-19 со што вкупниот број на хоспитализирани е 87 пациенти. На кислородна поддршка се 53 и нема пациенти на механичка вентилација.
Министерството за здравство информира дека во болницата во Козле во моментов хоспитализирани се две деца и една мајка позитивни на ковид-19 и четири деца и пет мајки суспектни на вирусот.
Во ГОБ „8 Септември“ во последното деноноќие примен е еден пациент, а вкупно хоспитализирани се 21 пациент. На респираторна машина се 2 пациенти.
Во болницата во Битола се хоспитализирани 11, а во болницата во Штип се хоспитализирани 46 пациенти.
На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 124, позитивни и сомнителни на ковид-19.
Во последните 24 часа направени се 997 тестирања, а регистрирани се 92 нови случаи на ковид-19. Починати се три лица – пациент од Гостивар (41г) и пациент од Дебар (63г) кои починале во болница и пациентка од Ресен (35г).