Скандалите на владини членови ги преминуваат границите. Со месечна плата од само 1 500 евра, заменик министерот за внатрешни работи на Македонија, Назим Буши, спие во хотел во Турција каде ноќевање чини 20 000 евра. Кој му ја платил сметката за претседателскиот хотел во Истанбул, а на видеото се гледа и неговиот син во друштво на две девојки, наведуваат од „Ора њуз“
Албанскиот портал „Ора њуз“ објави ексклузивно видео на кое се гледа како македонскиот заменик министер за внатрешни работи, Назим Буши е во претседателскиот апартман на „Парк Босфор хотел“ во Истанбул, каде ноќевање чини 20 илјади евра.
„Скандалите на владини членови ги преминуваат границите. Со месечна плата од само 1 500 евра, заменик министерот за внатрешни работи на Македонија, Назим Буши, спие во хотел во Турција каде ноќевање чини 20 000 евра. Кој му ја платил сметката за претседателскиот хотел во Истанбул, а на видеото се гледа и неговиот син во друштво на две девојки“,
наведуваат од „Ора њуз“.
Цената на сместување многу лесно се проверува со само кратко интернет пребарување на хотелот со 5 ѕвезди, „Парк Босфор“, и споредба со снимката на Буши, како и понудите за сместување.
„Дали резервацијата на претседателскиот апартман ја направил самиот заменик министер за внатрешни работи или турски државјанин? Со кое лице патувал Буш во Истанбул во октомври 2020?“,
прашуваат од албанскиот портал.
Заменик министерот одговори дека се работи за приватно патување од здравствени причини, планирано пред да стане заменик-министер. Во Турција патувал во октомври 2020 година, а стана заменик министер на 23 септември истата година.
„Се работи за приватно патување од пред три години, планирано три-четири месеци пред да станам заменик-министер. Бевме во Турција за интервенција врз внукот, во „Коч хоспитал“. Во хотелскиот апартман престојувавме повеќе лица, бевме гости на двајца пријатели од Скопје и не знам кој ја платил сметката, и колку чинел престојот. Но, сумата од 20 илјади евра е претерана“,
изјави Буши за ТВ Телма.