Потсетувам како Путин го започна својот мандат во 2000 година. Нападна цивилна зграда, уби стотици Руси, само затоа што сакаше да си го подигне рејтингот. Ова е демонстрација на тоа дека Путин е луд манијак 22 години, вели Порошеко
Поранешниот претседател на Украина, Петро Порошенко, во интервју за Н1 зборувал за последните напади на Киев, кои резултираа со затемнување на струја во голем дел од градот.
Другите делови на Украина исто така се погодени од ракети, но поранешниот украински претседател вели дека неговите сонародници се нескршливи и ги повикува западните сојузници да продолжат да ѝ помагаат на Украина.
„Украина е нападната од Русија веќе осум години, таа плаќа висока цена да се врати под покровителство на европското семејство. Денеска е 250-ти ден од руската инвазија и утрово цела Украина ја разбуди звукот на повеќе од 50 ракети и проектили кои погодија критична инфраструктура и цивилни објекти,
изјави Порошенко за Н1.
Порошенко истакнува дека дури 60 отсто од Киев останал без струја, а без вода и најголемиот дел од градот.
„Луѓето во Европа имаат привилегија да пијат кафе со кроасан наутро, а украинските деца и семејствата мора да останат во темни соби, во станови без вода, со голема опасност да бидат убиени од руски манијак“,
вели тој.
Порошенко нагласува дека Украина не се плаши од уцените на рускиот претседател Владимир Путин.
„Кога Путин ја уценува Европа и светот, ние не се плашиме од уцена; уценува со цените на храната, го блокира протокот на гас и нафта во Европа, се заканува со нуклеарно оружје, ја напаѓа нуклеарната централа во Запорожје. Потсетувам како Путин го започна својот мандат во 2000 година. Нападна цивилна зграда, уби стотици Руси, само затоа што сакаше да си го подигне рејтингот. Ова е демонстрација на тоа дека Путин е луд манијак 22 години“,
вели поранешниот украински претседател.