Тој членуваше во Буџетскиот совет на Собранието, а беше и во составот на комисиите за економски прашања и за финансирање и буџет. Исто така, беше дел од собраниските пратенички групи за соработка со парламентите на Белгија, Чешка и Шпанија
Поранешниот пратеник од редовите на СДСМ, Миле Андонов, починал при пад од кровот на својата викенд-куќа на планината Осогово, каде што извршувал градежен зафат, соопшти полицијата.
Лекар од Итната медицинска помош Кочани констатирал смрт, а по насоки на јавен обвинител телото на починатиот било предадено на обдукција.
Андонов беше дипломиран економист, а во три мандати, во периодот од 2008 до 2016 година беше дел од пратеничката група на СДСМ.
Андонов повеќе години водеше приватен бизнис во областа на текстилството. Почина на 62-годишна возраст.