Су Чи (76) е осудена за наводно земање мито од 600 илјади долари и поголема количина злато од поранешниот началник на градот, Јангон – обвинувања кои таа ги отфрла нарекувајќи ги апсурдни
Екслидерката на Мјанмар, Аунг Сан Су Чи, осудена е на уште пет години затворска казна.
Станува збор за прва пресуда по серијата 11 обвиненија покренати против поранешната лидерка на Мјанмар обвинета за коруптивни активности – дела за кои по секое одвоено законот предвидува казни до 15 години затвор.
Су Чи (76) е осудена за наводно земање мито од 600 илјади долари и поголема количина злато од поранешниот началник на градот Јангон – обвинувања кои таа ги отфрла нарекувајќи ги апсурдни.
Добитничката на Нобеловата награда за мир која пет години го водеше Мјанмар, пред да биде соборена од власта со пуч изведен на почетокот на минатата година, е обвинета дека сторила најмалку 18 кривични дела за кои би можела кумулативно да добие и речиси 190 години затвор.
Екслидерката на Мјанмар беше уапсена на 1 февруари минатата година, часови пред да биде изведен воениот удар со кој беше соборена демократски избраната цивилна власт во земјата, враќајќи ја воената управа во Мјанмар.
Во декември и јануари оваа година, Су Чи беше осудена на вкупно шест години затвор за полесни прекршоци.