Во просек, цената на еден ваков бункер е околу дваесет илјади евра. И иако многумина се зачудени од ваквиот бизнис, податоците покажуваат дека побарувачката за бункери се зголемила за време на војната во Украина и приказната за можен нуклеарен напад
Ги купуваат и ги претвораат во мали музеи, некои таму складираат вино или компири или го користат бункерот како викендица. Но, има и такви кои купуваат повеќе бункери и ги претвораат во апартмани – има струја преку соларни панели, греење на гас, има пригоден фрижидер, дури и телевизор поврзан на интернет
Во минатото Чехословачка градеше илјадници бункери за да се спротивстави на нацистичка Германија. Денес тие немаат никаква корист – и уште од пред нешто повеќе од една година се на продажба.
Чешките новинари кои во четвртокот дошле да снимат изјава од Андор Шандор, поранешен шеф на разузнавачката служба, денес приватен бизнисмен во безбедносниот сектор, кој најавил дека ќе зборува за „важни безбедносни предизвици“ за земјата.
Но тие биле изненадени кога тој почнал да дели рекламни флаери за продажба на бункери.
Во просек, цената на еден ваков бункер е околу дваесет илјади евра. И иако многумина се зачудени од ваквиот бизнис, податоците покажуваат дека побарувачката за бункери се зголемила за време на војната во Украина и приказната за можен нуклеарен напад.
Армијата располага со околу 1 500 воени бункери кои се сметаат за непотребни и тоа само во регионот на северна Бохемија
Во триесеттите години, во страв од Хитлерова Германија, Чехословачка изградила двојна одбранбена линија на лесни утврдувања долж границата. За само две години биле изградени девет илјади бункери, често со површина од само неколку квадратни метри.
Но, од денешен аспект, експертите тврдат дека тие ниту тогаш помогнале, ниту пак подоцна служеле за нешто. Денес, повеќето се полни со ѓубре, некои обраснати со плевел, други вандализирани. Но, бункерот лесно се чисти ако е цврсто направен.
Така, за бункер од единаесет квадрати првичната понуда е две илјади евра.
Продавници, музеи, апартмани
Локалните жители велат дека би сакале да купат бункер – да го претворат во мала продавница со освежителни пијалоци за велосипедистите, кои минуваат по блиската патека.
Други ги купуваат и ги претвораат во мали музеи. Некои таму складираат вино или компири или го користат бункерот како викендица. Но, има и такви кои купуваат повеќе бункери и ги претвораат во апартмани – има струја преку соларни панели, греење на гас, има пригоден фрижидер, дури и телевизор поврзан на интернет.
Предноста е што овие бункери можат и да се преместат – со доволно моќен кран, може буквално да извлече бункер од 50 тони и едноставно да го премести каде сака, па дури и во сопствениот двор.
Ексертите коментираат дека бункерите се доста привлечни не само поради нивната цена, која е релативно ниска, туку и поради нивната безбедност – ако не поради војната која сега создава страв кај жителите, тогаш од невреме, како на пример торнадо.