Ваквата состојба предизвикала паника кај жителите на Бангкок, а евакуирани се зградите на владиниот комплекс на патот Ченг Ватана, Министерството за труд во областа Дин Даенг и судските згради на патот Рачадаписек
Неколку згради во Бангкок од утрово се евакуирани поради извештаи за вибрации и пукнатини, што се појавија како последица од неодамнешниот земјотрес што го зафати Тајланд, пренесуваат американските медиуми.
Ваквата состојба предизвикала паника кај жителите на Бангкок, а евакуирани се зградите на владиниот комплекс на патот Ченг Ватана, Министерството за труд во областа Дин Даенг и судските згради на патот Рачадаписек.
Три дена по силниот земјотрес што го погоди Мјанмар, властите проценуваат дека најмалку 1 700 луѓе загинале.
Спасувачките тимови се обидуваат да пронајдат уште преживеани под урнатините на зградите во Мјанмар и Тајланд.
Како што пренесува Ројтерс, во заедничката петчасовна спасувачка операција спроведена од кинески, руски и локални тимови, една жена е спасена откао 60 часа била заглавена под урнатините на хотел во градот Мандалеј.
Во Бангкок, главниот град на Тајланд, спасувачки тимови со помош на кранови и кучиња трагачи ја продолжуваат потрагата по 76 лица за кои се верува дека се затрупани под урнатините на облакодерот беше во изградба.
Video shot of iconic Mahanakorn building swaying during #Bangkok earthquake that occurred on Friday, March 28, around 1:20pm local time. pic.twitter.com/2pBW03PVc7
— Erasmo Guerra (@erasmoguerra) March 28, 2025
Земјотресот што во петокот го погоди Мјанмар во претпладневните часови, а неколку минути подоцна следеше последователен потрес со јачина од 6,7 степени, уништи згради, сруши мостови и ги закочи патиштата низ деловите на Мјанмар, а сериозни штети беа пријавени во вториот по големина град, Мандалеј.