Луѓето, според информациите, ќе бидат привремено преселени длабоко во регионот Херсон, како и во други региони на Руската Федерација
Цивилите од Херсон, околу 70 000 илјади, кои властите на Херсонската Област во Украина инсталирани од Москва по анексијата на регионот минатата недела ги евакуираа од десниот на левиот брег на реката Днепар, сега повторно ќе ги релоцираат.
Причината е можното оштетување на брана поради и опасност од поплавување на левиот брег на реката, пренесува „Гардијан“.
Минатата недела гувернерот на Херсонската Област назначен од Москва, Владимир Салдо, за руските медиуми изјави дека преселиле 70 000 цивили од десниот на левиот брег на Днепар.
Денеска на Телеграм, Салдо објави дека властите повторно ќе евакуираат до 70 000 жители од левиот брег на Днепар.
„Можната штета на браната на хидроцентралата Каховскаја може да предизвика поплавување на левиот брег на Днепар низводно“,
навел во објавата гувернерот.
Луѓето, според информациите ќе бидат привремено преселени длабоко во регионот Херсон, како и во други региони на Руската Федерација.
Преселувањето на 70 000 луѓе од десниот на левиот брег на реката, според властите на Херсон инсталирани од Москва, беше извршено поради ескалација на притисокот од украинската контраофанзива.
Гувернерот на Херсон тогаш изјави дека властите ги евакуираат цивилите на левиот брег на реката Днепар со цел да бидат безбедни и да ѝ дозволат на војската „да дејствува одлучно“.
Реката Днепар тече низ регионот Херсон. Градот Херсон е северно од реката, каде што Русија контролира одредена територија. Сепак, најголемиот дел од регионот е јужно од Днепар, кој Русија во моментов целосно го окупира. Има ограничени премини, од кои еден е мостот Антоновски, кој беше честа цел на украинските напади.