Наследникот на „Самсунг“, Ли Џеј Џонг, во јануари лани беше осуден на две и пол години затвор како дел од голем корупциски скандал, со што групацијата „Самсунг“ остана без главниот одлучувач во компанијата
Високиот суд во Сеул го прогласи Ли за виновен за подмитување на тогашната јужнокорејска претседателка Парк Геун-хе и нејзиниот близок соработник за да добијат владина поддршка за спојувањето на две подружници на „Самсунг“, што помогна да се зајакне неговата контрола врз најголемата деловна групација во земјата
Јужнокорејскиот претседател Џун Сук Јул го помилува потпретседателот на компанијата „Самсунг“ Ли Џеј, со образложение дека е потребно да се ангажира за надминување на националната економска криза, соопшти Министерството за правда во Сеул.
Тоа е симболично помилување, бидејќи Ли веќе е на условен отпуст, откако помина 18 месеци во затвор за давање мито.
Одлуката значи дека Ли ќе има поголема слобода во неговите деловни активности.
„Поради итната потреба да се надмине националната економска криза, внимателно ги одбравме економските лидери кои се ‘моторот’ за раст на активните технолошки инвестиции и отворањето работни места“,
рече министерот за правда Хан Донг Хун.
Наследникот на „Самсунг“, Ли Џеј Џонг, во јануари лани беше осуден на две и пол години затвор како дел од голем корупциски скандал, со што групацијата „Самсунг“ остана без главниот одлучувач во компанијата, која е водечки светски производител на паметни телефони и чипови.
Ли, кој официјално е потпретседател на „Самсунг Електроникс“, но всушност е шеф на конгломератот, беше прогласен за виновен за корупција и проневера, и веднаш беше одведен во затвор.
Во повторното судење, Високиот суд во Сеул го прогласи Ли за виновен за подмитување на тогашната јужнокорејска претседателка Парк Геун-хе и нејзиниот близок соработник за да добијат владина поддршка за спојувањето на две подружници на „Самсунг“, што помогна да се зајакне неговата контрола врз најголемата деловна групација во земјата.
Неговите адвокати го прикажаа како жртва на злоупотребата на власта од страна на претседателката и го опишаа договорот од 2015 година како дел од нормалните деловни активности.