Европскиот суд на правдата соопшти дека казната е неопходна за да се избегне сериозна и непоправлива штета на правниот поредок на Европската Унија и на вредностите на кои се заснова Унијата, особено на владеењето на правото
Европскиот суд на правдата ја казни Полска со еден милион евра дневно, поради игнорирање на одлуката на ЕУ со која се бара суспензија на дисциплинскиот совет на Врховниот суд на земјата, пишува Дојче веле, казна што земјата ќе ја плаќа се додека властите во Варшава не ги исполнат наредбите на Европскиот суд на правдата.
Овој потег е поради тоа што Полска одлучила да ја игнорира одлуката на ЕУ за судските реформи во Варшава.
Европскиот суд на правдата соопшти дека казната е неопходна за да се избегне сериозна и непоправлива штета на правниот поредок на Европската унија и на вредностите на кои се заснова унијата, особено на владеењето на правото.
#BREAKING EU court fines Poland 1 million euros daily in judiciary row pic.twitter.com/TZZpbJZghl
— AFP News Agency (@AFP) October 27, 2021
Европската комисија побара наметнување „финансиски казни“ откако Полска не ја почитуваше јулската одлука на судот. На 9 септември, Комисијата на ЕУ одговорна за следење на владеењето на правото во ЕУ побара финансиски санкции за Полска.