На 81-годишна возраст почина британецот Вилијам Шекспир, кој стана познат во јавноста како втор човек во светот, а прв маж, кој прими вакцина против ковид-19. Како што пренесе Би-би-си, тој починал од болест што не е поврзана со коронавирусот, односно од мозочен удар.
Шекспир се вакцинира во декември минатата година со вакцината на „Фајзер“, веднаш по 91-годишната Маргарет Кенан.
Членовите на семејството и неговите блиски пријатели велат дека тој бил многу горд и среќен што се вакцинирал меѓу првите луѓе во светот.
„Најдобар начин да му оддадете почит на Вил е да се вакцинирате“,
изјавила неговата пријателка Џејн Инес.
Шекспир пред пензионирањето работел за „Ролс Ројс“.