Ранувањето на А.М. се случи на 11 јануари годинава кога пред Клиничката болница во Тетово имаше вооружен инцидент. Во престрелката беше повреден и неговиот брат, 36-годишниот З.М., кој исто така се наоѓа на лекување на КАРИЛ
Четириесет и едногодишниот А.М. од тетовското село Гајре, кој беше ранет од огнено оружје во престрелка пред Клиничката болница во Тетово, починал на Универзитетска клиника за анестезија, реанимација и интензивно лекување (КАРИЛ) во Скопје, пренесува МИА.
Ранувањето на А.М. се случи на 11 јануари годинава кога пред Клиничката болница во Тетово имаше вооружен инцидент. Во престрелката беше повреден и неговиот брат, 36-годишниот З.М., кој исто така се наоѓа на лекување на КАРИЛ.
Од СВР Тетово информираа дека вечерта по пукањето се приведени четири лица кои се осомничени дека се вмешани во вооружениот инцидент.
Според информациите, полициски службеници, вечерта ги лишиле од слобода тетовците Р.Т. (35) и М.Т. (44), како и 55-годишната тетовка Ш.Е. и 39-годишното лице Н.М. Полициските службеници, како што велат од СВР Тетово, трагаат по уште едно лице кое е осомничено за инволвираност во инцидентот.
Од СВР Тетово и Обвинителството нема други официјални информации за случајот, кој го води Основно јавно обвинителство за гонење на организиран криминал и корупција.
„Обвинителството сè уште постапува по предметот согласно своите надлежности“,
информираат оттаму.
На престрелката пред тетовската болница и претходела физичка пресметка помеѓу еден од сега ранетите и еден од осомничените за вечерашното пукање. Физичката пресметка се случила истиот ден околу 13 часот на улицата „Илинденска“ во Тетово.
Како што дознава „360 степени“, 41-годишниот А.М. е лице што веќе ѝ е познато на полицијата.