Паралелно со неговите ангажмани во медиумите во Македонија, од 2001 година Кадриу беше постојан дописник на Радио Слободна Европа од Скопје, од каде што известуваше за политички, економски, културни случувања и настани од Скопје и земјава
На 52-годишна возраст во градот Шенѓин, Албанија, денеска почина Исуф Кадриу, заменик-главен и одговорен уредник на телевизијата Алсат.
Кадриу бил на годишен одмор со семејството во Албанија.
Новинарот средното образование го завршил во гимназијата во Гњилане, додека новинарство дипломирал на Универзитетот во Тирана.
Од 2008 година беше заменик-главен и одговорен уредник на телевизијата Алсат во информативната програма.
Исуф Кадриу кариерата ја започнува во 1998 година во телевизијата ЕРА, а од 1999 до 2008 година работи како уредник на вести во Програмата на албански јазик на Македонската телевизија.
Паралелно со неговите ангажмани во медиумите во Македонија, од 2001 година Кадриу беше постојан дописник на Радио Слободна Европа од Скопје, од каде што известуваше за политички, економски, културни случувања и настани од Скопје и земјава.
Кадриу зад себе остави сопруга и три деца.
„360 степени“ изразува искрено сочувство до неговото семејство.