Опозицијата им дава апсолутна поддршка на средношколците кои бараат намалување на бројот на предмети во рамки на матурата
ВМРО-ДПМНЕ ќе предложи законски измени за државната матура, за што очекува поддршка и од другите опозициски партии, најави пратеникот Игор Здравковски, по денешната средба со претставници на Сојузот на средношколци.
„Сметаме дека тие апсолутно имаат право да си ги бараат своите средношколски права. Поради сите овие околности кои се настанати и ковид- пандемијата, сметаме дека не се прекршуваат нити Уставот, ниту законите, ниту Законот за образование, ниту регулативата на државниот испитен центар и затоа имаат апсолутна поддршка“,
вели Здравковски.
Тој вели дека за предлог-измените може да се расправа во собраниската Комисија за образование и наука или директно на пленарна седница.
„Со оглед на тоа што сме во опозиција, имаме добри односи со нашите коалициони партнери и сакаме да добиеме поширока поддршка, дури и од оние кои се претставници во Комисијата од мнозинството, за заеднички да донесеме што е можно побрзо решение. Има и некои рокови што се малку проблематични и што понатаму, доколку се одложи целиот овој процес, би претставувале проблем за средношколците“,
изјави Здравковски.