Многу тешко ќе биде да се врати авиосообраќајот онака како што беше, и најверојатно безбедносните процедури ќе траат долго, вели министерот за здравство Венко Филипче одговарајќи на новинарско прашање, како во иднина ќе се регулира авиопревозот.
„Во однос на авиотранспортот, ова е многу легитимна дилема која сите ја имаат. Прво, зависи од политиката што ќе ја водат авиокомпаниите и државите во однос на аеродромите. Како што се сега најавите, очигледно дека многу тешко ќе биде да се врати авиосообраќајот онака како што беше, да може за кратко време да се има пристап до аеродром, поминување на безбедносните процедури. Најавите сега се дека тие ќе траат повеќе време“,
рече Филипче.