Освен на „Богородица“ на останатите гранични премини кон Грција нема зголемен број на возила
Камерите поставени на граничните премини за излез од државата денеска регистрираат зголемен број на возила кон соседна Грција. На граничниот премин „Богородица“, кај Гевгелија може да се забележат пет колони возила кои чекаат за влез во Грција. Чекањето да се прмине границата трае и по повеќе од еден час.
На останатите гранични премини кон Грција на камерите на Јавното претпријатие за државни патишта може да се види оти нема зголемен број на возила.
Од Автомото сојузот на Македонија (АМСМ) велат дека утринава била забележана зголемена фреквенција на возила на граничниот премин„ Табановце“, каде времето на чекање за влез во Македонија било околу 15 до 30 минути.
„На останатите гранични премини, од македонска страна, нема подолги задржувања за влез и излез од државата“,
велат од АМСМ.