Во неделата проиранското движење Хезболах изврши голем напад со ракети и беспилотни летала врз воени цели на северот на Израел од територијата на Либан
Заканата дека Иран и неговите регионални сојузници ќе го нападнат Израел сè уште постои, соопштија денеска САД, по вчерашните напади на Хезболах со ракети и беспилотни летала врз еврејската држава.
„Веруваме дека заканата од напад останува и остануваме на позиција да ја поддржиме одбраната на Израел и да ги заштитиме нашите сили доколку бидат нападнати“,
изјави за новинарите портпаролот на Пентагон, генералот Пат Рајдер.
Во неделата проиранското движење Хезболах изврши голем напад со ракети и беспилотни летала врз воени цели на северот на Израел од територијата на Либан.
Од друга страна, еврејската држава објави дека спречила добар дел од овие напади како мерка на претпазливост.
Либанското исламистичко движење, сојузник на палестински Хамас и Иран, соопшти дека дејствувало како одмазда за смртта на еден од нивните водачи, Фуад Чокр, кој беше убиен на 30 јули во израелски напад во близина на Бејрут.
Иран и неговите сојузници, исто така, се заканија дека ќе одговорат на атентатот на лидерот на Хамас, Исмаил Ханије, на 31 јули во Техеран, кој му се припишува на Израел.
Таа ликвидација предизвика страв од избувнување на регионален воен пожар.
Пат Рајдер даде уверување дека Соединетите Држави не биле вклучени во израелските превентивни напади или во операциите за противвоздушна одбрана, но обезбедувале разузнавачки, надзорни и извидувачки услуги во врска со последователните напади на Хезболах.
Американскиот секретар за одбрана Лојд Остин нареди две борбени групи да останат во регионот за да го поддржат Израел, додаде тој, што значи дека американските носачи на авиони „Абрахам Линколн“ и „Теодор Рузвелт“, заедно со придружните флоти, ќе останат таму некое време.