„Ако Русија ја напаѓа или се обидува да ја нападне Украина од нејзина територија, тогаш има смисла да ѝ дозволиме на Украина да одговори против силите што ја напаѓаат преку границата“, вели портпаролот на Пентагон, генерал Пат Рајдер
На украинската војска ѝ е дозволено да користи американски ракети со долг дострел за да погоди цели длабоко во Русија, не само на линијата на фронтот во близина на Харков, рече портпаролот на Пентагон, генерал Пат Рајдер, на брифинг со новинарите. Но, тој додаде дека Украина може да извршува такви напади само во самоодбрана.
Пред неколку недели, американскиот претседател Џо Бајден ѝ даде дозвола на Украина да користи муниција испорачана од САД за одбрана на источниот град Харков од руски ракетни напади.
„Русија изведува напади врз украински цели од зад своите граници, користејќи ја својата територија како безбедна зона“,
рече Рајдер.
Рајдер, како што е наведено во транскриптот од брифингот, објавен на веб-страницата на Пентагон, вели „додека гледаме дека овие сили спроведуваат такви операции од нивната територија, објаснивме дека Украина може и има право да одговори за да се одбрани“.
Според него, тоа не е нова политика во врска со користењето американско оружје во Украина.
„Ова не е за географија. Се работи за логика. Ако Русија ја напаѓа или се обидува да ја нападне Украина од нејзина територија, тогаш има смисла да ѝ дозволиме на Украина да одговори против силите што ја напаѓаат преку границата“,
рече тој.
На крајот на мај, САД ѝ дозволија на Украина да користи американско оружје за да напаѓа цели во Русија, но само во близина на границата со областа околу украинскиот град Харков.
Одлуката претставува промена во ставот на претседателот Џо Бајден, кој досега одбиваше да му дозволи на Киев да користи американско оружје за напади на руска територија, пренесува Гласот на Америка.
Сепак, како што се наведува, ќе останат ограничувањата за употребата на американското оружје со долг дострел, како што е армискиот тактички ракетен систем.
Минатата недела, на маргините на самитот на Г7 во Италија, американскиот претседател Џозеф Бајден и украинскиот претседател Володимир Зеленски потпишаа десетгодишен безбедносен договор меѓу САД и Украина.
Според договорот, во случај на вооружен напад или закана против Украина, високи американски и украински функционери ќе се состанат во рок од 24 часа за да се консултираат за одговорите и да ги утврдат дополнителните одбранбени потреби на Киев.
САД, како што пишува во договортот, ја потврдуваат својата поддршка за одбраната на Украина, како и на нејзиниот суверенитет и територијален интегритет.
.