Претседателот оцени дека е добро што С Македонија, Црна Гора и Албанија се членки на Алијансата бидејќи, како што вели, така може да се спречи директрна конфронтација на српската и косовската војска
Претседателот Стево Пендаровски вели дека присуството на петте илјади војници на НАТО во Косово е гаранција дека српско-косовската криза нема да се прелее во другите земји од регионот.
„Ако немаше пет илјади војници на НАТО при последните конфликти и тензии на северно Косово, а и претходно имаше такви ситуации, конфликтот ќе се прелееше и ќе имаше прво директна конфронтација меѓу српската и косовската армија и полиција, а потоа и околината ќе беше зафатена“,
рече Пендаровски во интервју за Македонското радио.
Претседателот оцени дека е добро што С Македонија, Црна Гора и Албанија се членки на Алијансата бидејќи, како што вели, така може да се спречи директрна конфронтација на српската и косовската војска.
Последните тензии на северот на Косово настанаа по нападот на косовската полиција во селото Бањска на 24 септември. Во вооружениот напад беше убиен косовски полицаец, а смртно беа ранети и тројца од напаѓачите.
Косово ја обвини Србија за нападот, а српските власти негира каква било поврзаност.
За директно учество и организација на вооружениот напад, Косово го обвини потпретседателот на Српската листа, Милан Радоичиќ објавувајќи видеоснимка од нападот на која тврди дека се гледа тој. Вчера, пак, Радоичиќ, кој изјави дека се повлекува од Српска листа, најголемата српска партија на Косово која ја ужива поддршката од Белград, преку својот адвокат призна дека го организирал и учествувал во нападот во Бањска.