Во Општина Струмица, каде што СДСМ низ историјата традиционално извојувал победи, на претседателските избори во првиот круг победи Силјановска со освоени 11 808 гласа. Пендаровски освоил 9 008 гласа
Вчера во Македонија се одржа првиот круг од претседателските избори. По пребројаните 99,85 отсто од избирачите, според податоците на Државната изборна комисија (ДИК), кандидатката на ВМРО-ДПМНЕ, Гордана Силјановска-Давкова, има двојна предност пред кандидатот поддржан од СДСМ, Стево Пендаровски, додека кандидатот на коалицијата „Европски фронт“, Бујар Османи, е трет.
Кандидатот на СДСМ и коалицијата Стево Пендаровски победи само во две општини, Крушево и Маврово и Ростуша. Во Крушево, Пендаровски освои 2 026 гласа, а Силјановска 1 778 гласа.
Во Маврово и Ростуша Пендаровски ја доби довербата од 1 091 гласач, а за Силјановска гласале 1 036 граѓани.
Пендаровски има водство пред Силјановска и во Општина Центар Жупа. Тука прв на листата е кандидатот на ДУИ, Бујар Османи, со освоени 448 гласа, Пендаровски има само еден глас помалку – 447, а Силјановска 306 гласа.
Во Општина Струмица, каде што СДСМ низ историјата традиционално извојувал победи, на претседателските избори во првиот круг победи Силјановска со освоени 11 808 гласа. Пендаровски освоил 9 008 гласа.
Споредено со резултатите од локалните избори во 2021 година, СДСМ во Струмица победил со околу 3 илјади гласови разлика, односно, за СДСМ гласале 13 760 граѓани, а за ВМРО-ДПМНЕ – 10 291 граѓани.