Патеката на Кирил и Методиј претставува патување по стапките на Свети Кирил и Методиј и нивните следбеници (седумте свети апостоли)
Поврзува места, места со наследство, културни институции и други туристички атракции на 7 500 км, во меѓусебно поврзани земји од Централна, Источна и Јужна Европа
На 28 и 29 април, патот на Кирил и Методиј во нивната мисија се најде меѓу петте нови рути на листата „Културни патишта на Советот на Европа“, со што програмата за културни рути сега содржи 45 вакви локации.
„Патеката на Кирил и Методиј претставува патување по стапките на Свети Кирил и Методиј и нивните следбеници (седумте свети апостоли). Поврзува места, места со наследство, културни институции и други туристички атракции на 7 500 км, во меѓусебно поврзани земји од Централна, Источна и Јужна Европа. Светите Кирил и Методиј, се сметаат за двајцата највлијателни мисионери, кои одиграа главна улога во воведувањето на христијанството и развојот на културата во словенските земји. Во мрежата во моментов учествуваат 6 земји: Бугарија, Чешка, Грција, Унгарија, Словачка и Словенија“,
се вели во објаснувањето.
Останатите места се „Патот на Енеа“ во Турција, „Патот н Алвар Алто – Архитектура и дизајн на 20 век“, локации и сензации среде архитектонските знаменитости на реномираниот фински архитект Алвар Алто (1898-1976), Европската рута Д’Артањан, физичка и линеарна маршрута за пешачење, воспоставена врз основа на историски и литературни документи, кои го обновуваат епот на Шарл де Бац де Кастелмор д’Артањан и Рутата на Дунав во железното време, која го истакнува археолошкото наследство на регионот Дунав од последниот милениум п.н.е. (приближно 800 п.н.е. – 0).
Создадени од Советот на Европа во 1987 година, „Културните патишта“ демонстрираат преку патување низ просторот и времето, како наследството на различни земји и култури во Европа, прдонесува за заедничко и живо културно наследство.