Депардје, кој е обвинет за сексуално насилство и од други жени, ги оспорува обвинувањата
Обвинителството во Париз побарало кривично судење против актерот Жерар Депардје за силувањето на неговата колешка, актерката Шарлот Арно, соопштил извор близок до обвинителството.
Седумдесет и петгодишниот Депардје беше обвинет на 16 декември 2020 година, по жалба на актерката за две силувања во август 2018 година во неговиот дом во Париз. Арно тогаш имала 24 години.
Сега останува на истражниот судија да одлучи за барањето на обвинителството.
Депардје, кој е обвинет за сексуално насилство и од други жени, ги оспорува обвинувањата.
Нему во октомври ќе му се суди пред парискиот кривичен суд за сексуален напад на две жени за време на снимање на филм во 2021 година.