Во неделниот извештај за глобалната ситуација со пандемијата предизвикана од коронавирусот, СЗО наведе дека се чини оти бројот нови случаи со ковид-19 се стабилизира, а во пад е и вкупниот број неделни смртни случаи, но и покрај тоа предупреди дека со вакцинираност на 60 отсто од светската популација, пандемијата со коронавирусот сè уште не е завршена
И покрај падот на пријавените ковид-случаи, пандемијата со коронавирусот сè уште не е завршена, предупреди шефот на Светската здравствена организација (СЗО), Тедрос Адханом Гебрејесус.
Тој пред официнални лица, собрани на отворање на годишниот состанок во Женева, појасни дека одбивање на тестирања и секвенцирања значи оти сме слепи за еволуцијата на вирусот, а дека речиси милијарда луѓе во земји со пониски приходи – не се вакцинирани.
Во неделниот извештај за глобалната ситуација со пандемијата предизвикана од коронавирусот, СЗО наведе дека се чини оти бројот нови случаи со ковид-19 се стабилизира, а во пад е и вкупниот број неделни смртни случаи.
„Иако има напредок, со вакцинираност на 60 отсто од светската популација, никаде не е готово, додека секаде не биде готово“,
додаде генералниот директор на СЗО, Тедрос Адханом Гебрејесус.
Шефот на СЗО додаде дека е регистриран раст на смртните случаи во Африка – континентот со најниска стапка на вакцинација, а само во 57 земји, речиси сите богати, се вакцинирале 70 отсто од жителите.
„Генерално, гледаме неодлучност околу вакцината, предводена од дезинформации. Пандемијата нема магично да исчезне, но, можеме да ја докрајчиме“,
смета Тедрос.
Инаку, Северна Кореја – земја која повеќе од две години во ковид – пандемија не пријави ниту еден позитивен случај на вирусот, периодов во земјата се појави треска предизвикана од епидемијата на ковид-19, а бројот на лица со нејзини симптоми се над 2,4 милиони.