Портпаролот на компанијата „Мета“, Енди Стоун, во објава на социјалната мрежа Икс напиша дека се работи на решавање на проблемот, не давајќи дополнителни информации
Социјалните мрежи Фејсбук, Месинџер и Инстаграм – трите во сопственост на компанијата „Мета“ – од попладнево се недостапни за стотици илјади корисници ширум светот, вклучително и за корисниците во С Македонија.
Проблемот настанал околу 10:20 часот по средноевропско време, односно околу 16:20 по македонско време.
Бројни корисници на глобално ниво пријавиле потешкотии при логирањето на Фејсбук, а слични проблеми се пријавени и за социјалната мрежа Инстаграм. Фејсбук ги одјавува корисниците од нивните профили, притоа не овозможувајќи им повторно да се вратат на платформата.
Веб-страницата DownDetector, која ја следи работата на апликациите ширум светот, во моментов е преполна со извештаи од корисници на овие социјални мрежи кои пријавуваат проблеми.
Засега нема информации за причината и големината на проблемот.
Во меѓувреме, портпаролот на „Мета“, Енди Стоун, во објава на социјалната мрежа Икс (поранешен Твитер) напиша дека се работи на решавање на проблемот, не давајќи дополнителни информации.
„Свесни сме дека луѓето имаат проблем со пристапот до нашите услуги. Сега работиме на ова“,
напиша портпаролот на компанијата „Мета“, Енди Стоун, во објава на социјалната мрежа Икс.
We’re aware people are having trouble accessing our services. We are working on this now.
— Andy Stone (@andymstone) March 5, 2024