Според Бранимир Јовановиќ, ако се формира влада со тенко мнозинство, тогаш двајцата пратеници на Левица ќе може да собираат политички поени на ширење екстремен национализам
Оваа Левица не е никаква левица, туку е екстремна десница, оценува Бранимир Јивановиќ, еден од основачите на политичкиот субјект кој, на чело со Димитар Апасиев, на овие избори обезбеди влез во парламентот со двајца пратеници.
Јовановиќ, кој едно време беше дел од Левица, која се појави на сцената како здружение на граѓани, а прерасна во партија, вели дека пораките на Апасиев се загрижувачки. Наместо да им се заблагодари на граѓаните кои му ја дадоа поддршката, првата негова изјава е „Сите ќе ве стрелам“, забележа Јовановиќ во емисијата „Трилинг“ на ТВ 24.
„Ваквите закани се опасни особено што доаѓаат од човек кој сега ќе биде пратеник и со можност да биде дел од власта“,
оцени Јовановиќ, оценувајќи дека не е првпат Апасиев да зборува за бесење и стрелање.
Според Јовановиќ, ако се формира влада со тенко мнозинство, тогаш двајцата пратеници на Левица ќе може да собираат политички поени на ширење екстремен национализам.
Скопското обвинителство деновиве отвори предмет за фејсбук-статусите на претседателот на Левица, Димитар Апасиев, објавени ноќта по парламентарните избори, но и за други спорни објави за кои пристигнале пријави.