Дрвената скулптура на првата дама на САД, Меланија Трамп која се наоѓаше во во близина на нејзиниот роден град Севница, во Словенија, е отстранета откако беше запалена на 4 јули – Денот на независноста на САД.
Уметникот Бред Дауни кој ја нарачал скулптурата, изјавил дека скулптурата која беше во актуелна големина поставена пред една година– сега оцрнета и обезличена – е отстранета на негово барање откако полицијата го известила на 5 јули дека е осквернавена.
„Сакам да знам зошто го направиле тоа“,
изјавил Дауни за весникот Гардијан, кој како што вели се надевал дека статуата ќе поттикне дијалог за политичката состојба во САД, потенцирајќи го статусот на Меланија Трамп како имигрант омажена за претседател кој се заколна дека ќе ја намали имиграцијата.
„Истрагата за овој случај се уште не е завршена, така што не можеме да откриеме детали поради понатамошни постапки“,
изјави портпаролката на полицијата Аленка Дреник.
Во јануари голема дрвена статуа што наликуваше на Доналд Трамп, дизајнирана од локален уметник, беше запалена во словенечкиот град Моравче.