Вашингтон испорачува авиони-ловци Ф-16 на Турција по консултации со Конгресот, изјави советникот за национална безбедност во Белата куќа, Џејк Саливан
Белата куќа ќе работи со Конгресот за да постигне договор за испорачување на авиони-ловци од типот Ф-16 на Турција, откако испораката веќе некое време беше блокирана од страна на демократот и претседател на сенатската Комисија за надворешни работи Боб Менендес.
Тој вчера изјави дека ќе разговара со администрацијата на Бајден за неговите забелешки и можно е уште во текот на идната недела да се донесе одлука со што би се тргнала блокадата за испорачување на авионите.
Оваа изјава доаѓа откако Анкара официјално даде зелено светло за влезот на Шведска во НАТО, а советникот за национална безбедност во Белата куќа на новинарско прашање дали ловците се можеби услов кој САД ги добил од Турција за тргнување на блокадата, рече дека претседателот Бајден немал никакви услови и дека тој само има намера да го движи процесот со снабдувањето напред.
Турција уште во 2021 г. побара да ѝ бидат продадени ловците Ф-16 произведени од „Локхед Мартин“ за 20 милијарди долари и околу 80 комплети за модернизација на нејзините воени авиони.