Судењето, како што најавија од Основниот кривичен суд ќе продолжи во понеделник на 14 октомври, за кога е закажано следното рочиште. Тогаш, како сведоци треба да се појават и мајката, бабата и дедото на Вања.
Создадени се услови за свикување нови судски рочишта откако Боре Видевски, обвинет за убиството на 14 годишната Вања Ѓорчевска од Скопје и на Панче Жежовски од Велес, по неколкудневниот престој во болница е вратен во затворот „Скопје“ во Шутка.
Основниот кривичен суд Скопје ги отповика двете рочишта од судскиот процес против петтемина обвинети за убиствата и грабнувањата на 14-годишната Вања Ѓорчевска и велешанецот Панче Жежовски кои требаше да се одржат на 7 и на 9 октомври токму поради влошената здравствена состојба на Боре Видевски. Тој е пуштен во добра здравствена состојба од Клиниката за нефрологија каде беше хоспитализиран минатата недела.
Судењето, како што најавија од Основниот кривичен суд ќе продолжи во понеделник на 14 октомври, за кога е закажано следното рочиште. Тогаш, како сведоци треба да се појават и мајката, бабата и дедото на Вања.
Двојното убиство се случи лани. Првообвинет во случајот е Љупчо Палевски – Палчо кого турската полиција го уапси во градот Баликесир каде избега. Сите обвинети во судот се изјаснија дека не се чувствуваат виновни.