Осми ден под мотото „Ултиматум-не благодарам“ демонстранти предводени од опозициските партии ВМРО-ДПМНЕ и Левица протестираат пред Владата со повици за оставка и отфрлање на францускиот предлог за откочување на бугарското вето и отворање на евроинтегративниот процес за земјава.
Демонстрантите од Владата се упатија покрај министерството за правда , а протестниот марш го завршија пред Собранието со извици „Никогаш Северна, само Македонија.
Пред Собранието е поставена бина, а преку звучници се пуштаат патриотски песни.
Протестите се одржуваат секој ден со исклучок на саботата кога не се одржаа поради муслиманскиот празник Курбан Бајрам и во петокот кога незадоволството беше изразено преку блокади во Скопје и на магистралните патишта Штип – Велес, Струмица – Радовиш и Плетвар – Прилеп.