Тој додава дека е во редовна комуникација со неговата бугарска колешка Генчовска, со цел, за како што вели, да се обезбеди засилување на разговорите во пристојниот период, на сите нивоа меѓу двете министерства, во насока на надминување на разликите за време на француското претседателство
Министерот за надворешни работи Бујар Османи вели дека е во редовна комуникација со министерската за надворешни работи на Бугарија, Теодора Генчовска за надминување на разликите за време на француското претседателство со ЕУ, додавајќи дека постојат бројни иницијативи од меѓународните партнери со свои идеи да се вклучат во овие разговори, меѓу кои и Франција како актуелен претседавач со Советот на Европската Унија.
„Со оглед дека во моментов сум на работни обврски во САД, каде во тек е Стратешкиот дијалог меѓу двете земји, чувствувам обврска да одговорам на одредени прашања кои пристигнуваат во моментов до Министерството за надворешни работи, а се поврзани со разговорите кои ги водиме со Република Бугарија“,
напиша Османи на Фејсбук.
Тој додава дека е во редовна комуникација со неговата бугарска колешка Генчовска, со цел, за како што вели, да се обезбеди засилување на разговорите во пристојниот период, на сите нивоа меѓу двете министерства, во насока на надминување на разликите за време на француското претседателство.
„Постојат бројни иницијативи од нашите меѓународни партнери, со свои идеи да се вклучат во овие разговори, меѓу кои е секако и Франција како актуелен претседавач со Советот на Европската Унија. Сите инволвирани страни во процесот даваат максимални напори да се обезбеди предлог на маса кој ќе го крене ветото за нашите европски интеграции, кое воедно би било во согласност со позициите на кои Владата се обврза преку декларацијата во Собранието“,
додава Османи во објавата.
Генчовска денеска пред состанокот на Комисијата за надворешна политика на собранието на Бугарија изјави дека прашањето за Република Северна Македонија не може да се реши до крајот на француското претседателство со Советот на ЕУ, нагласувајќи дека по минатонеделната средба на лидерите на владината коалиција од кабинетот на премиерот Кирил Петков посочиле дека „се потпираат“ на Министерството за надворешни работи, меѓутоа, според неа, „тимови на премиерот продолжуваат да го саботираат процесот на различни начини“.
БГНЕС вчера објави текст со сценарио за кревање на ветото на Бугарија, кое вклучува посета на Петков и Радев на Париз на средба со францукиот претседател Макрон.
Петков вчера не сакаше да коментира дека има покана за таква средба и рече дека дипломатите работат на ова прашање.
Радев денеска изјави дека нема услови за посета во Париз, бидејќи нема наредок во преговорите.