Последниот амбасадор на Северна Македонија во Бугарија беше Марјан Ѓорчев, чиј мандат заврши на крајот на март 2020 година
Шефот на дипломатијата Бујар Османи во изјава за БТВ најави дека за неколку дена ќе има предлог за амбасадор во Бугарија.
Како што јавува дописникот на МИА од Софија, министерот Османи оценил дека е грешка што во текот на овие години Северна Македонија немала амбасадор во Бугарија, но изразил надеж дека во следните денови тоа ќе се случи.
Последниот амбасадор на Северна Македонија во Бугарија беше Марјан Ѓорчев, чиј мандат заврши на крајот на март 2020 година.
Во меѓувреме, додека траеја преговорите со Софија која стави вето за одобрување на преговарачката рамка за земјава, претходната влада на Зоран Заев назначи специјален владин претставник за Бугарија – Владо Бучковски. Тој беше специјален претставник од 1 декември 2020 година, а беше разрешен пред десетина дена односно пред изборот на новата влада предводена од Димитар Ковачевски.