Се работи за 183 милиони луѓе ширум светот кои се најпогодени од епидемијата на коронавирусот, конфликтите и климатските промени
Обединетите нации сметаат дека во 2022 година ќе бидат потребни најмалку 41 милијарда долари за помош на најранливите луѓе во светот. Се работи за 183 милиони луѓе ширум светот кои се најпогодени од епидемијата на коронавирусот, конфликтите и климатските промени.
„Никогаш досега немало толку многу луѓе на кои и е потребна помош“,
изјави потсекретарот на ОН за хуманитарни прашања Мартин Грифитс.
Во годишниот извештај на ОН се наведува дека дел од потребната помош е резултат на климатските промени ширум светот, а Етиопија, Мјанмар и Авганистан се наведени како најзагрозени земји. Само за помош на 22 милиони Авганистанци, Обединетите нации ќе треба да одвојат 4,5 милијарди долари.
Помош ќе биде потребна и поради пандемијата на коронавирусот, која ќе влезе во третата година на почетокот на 2022 година а досега одзема над пет милиони животи ширум светот.