Русија негираше дека имала за цел цивили во Украина, а нејзиниот делегат пред Советот за човекови права на ОН кажал дека поддржувачите на резолуцијата „ќе ги искористат сите расположливи средства за да ја обвинат Русија за настаните во Украина“
Советот за човекови права на Обединетите нации денеска со големо мнозинство изгласа резолуција со која се осудуваат евентуалните прекршувања на човековите права за време на руските воени дејствија во Украина и со која се формира истражна комисија, што ќе ги истражи кршењата на човековите права, јавија британските медиуми.
„Наша должност е да обезбедиме правда со наредба за набавка на документи и проверка на руските злосторства, како и идентификација на одговорните“,
изјави пред гласањето Евгенија Филипенко, амбасадорка на Украина во Високиот комесаријат за човекови права на ОН во Женева.
Русија негираше дека имала за цел цивили во Украина, а нејзиниот делегат пред Советот за човекови права на ОН кажал дека поддржувачите на резолуцијата „ќе ги искористат сите расположливи средства за да ја обвинат Русија за настаните во Украина“.
Во меѓувреме, „истражителите на Меѓународниот кривичен суд во Хаг започнаа да ги истражуваат можните воени злосторства во Украина“, изјави денеска главниот обвинител на судот, Карим Кан, и додаде дека неговата канцеларија ќе провери дали има докази за воени злосторства, злосторства против човештвото и акти на геноцид извршени од сите страни вклучени во конфликтот.