Нема основа за постапување на јавен обвинител во врска со реформите во безбедносниот систем, односно работата на Оперативно-техничката агенција (ОТА) и Агенцијата за национална безбедност (АНБ), велат од Обвинителството.
Техничкиот министер за внатрешни работи Наќе Чулев поднел писмено известување во кое посочил на кривични дела злоупотреба на службената положба и овластувања и несовесно работење во службата поврзани со определени недоследности во функционирањето. Меѓутоа, ОЈО Скопје донесе резолуција дека нема место за интервенција на јавен обвинител.
„Надлежниот јавен обвинител направи проверки во МВР, во ОТА и во АНБ, од каде што беа доставени потребните податоци за проверка наводите во известувањето. Од анализата на писменото известување, како и на доставените одговори и податоци, произлезе дека реформата на безбедносниот систем, основањето и функционирањето на ОТА и на АНБ, како и начинот на извршување на нивните надлежности, претставуваат системски прашања и од кривично-правен аспект не постои основ за постапување“,
велат од ОЈО Скопје.
