На 26 јуни, во раните утрински часови, со употреба на алат и физичка сила, осомничениот тој го скршил катанецот на задната влезна врата на книжарницата и од ѕидовите откачил и зел шест уметнички слики од уметникот Павле Кузмановски. Настанот бил пријавен и биле преземени полициски дејства на лице место за откривање на сторител. Меѓутоа, осомничениот следниот ден, на сличен начин го скршил катанецот на предната врата и од книжарницата одзел уште 10 уметнички слики од истиот автор
Основното јавно обвинителство Скопје поведе постапка против едно лице на возраст од 33 години осомничено дека на крајот на минатопот месец од книжарница во центарот на Скопје украло 16 уметнички слики.
„Осомничениот, на 26 и 27 јуни, два пати влегувал во книжарница на улицата „Ѓуро Стругар“ во Скопје, од каде противправно одзел 16 уметнички слики со вкупна вредност од 984 000 денари, поради што е осомничен продолжено кривично дело – Тешка кражба од член 236 став 1 точка 1 во врска со член 45 од Кривичниот законик“,
соопшти ОЈО.
Како што објаснуваат од ОЈО во соопшението, на 26 јуни, во раните утрински часови, со употреба на алат и физичка сила, осомничениот тој го скршил катанецот на задната влезна врата на книжарницата и од ѕидовите откачил и зел шест уметнички слики од уметникот Павле Кузмановски. Настанот бил пријавен и биле преземени полициски дејства на лице место за откривање на сторител. Меѓутоа, осомничениот следниот ден, на сличен начин го скршил катанецот на предната врата и од книжарницата одзел уште 10 уметнички слики од истиот автор.
Поради опасност од бегство и веројатност тој да го повтори делото, особено затоа што се работи за лице кое и претходно е осудувано за ист тип кривични дела во земјава, но и во Германија, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор.