Според податоците на официјалната интернет-страница на ДИК, од обработени 3 435 избирачки места, на гласање до 15 часот излегле 576 676 лица со право на глас.
Во проценти, одѕивот до 15 часот изнесува 31,78 %.
По изборни единици, излезеноста се движи од 22,85% во ИЕ6, до 37,24% во ИЕ3. Во ИЕ 1 гласале 34,51 % од запишаните избирачи, а во втората изборна единица одѕивот е 29,96%. Во ИЕ 4 гласале 35,56%, а во ИЕ 5 правото на глас го оствариле 31,51% од избирачите.
Во однос на приговорите, портпаролот на ДИК, Адмир Шабани, рече дека до архивата на ДИК нема стигнато приговори, но потврди дека имало прекин на гласањето на едно избирачко место во селото Лојане. Причината, како што рече, биле несогласувањата меѓу членовите на избирачкиот одбор околу сериските броеви на гласачките ливчиња, а откако направиле проверка, констатирале дека сѐ е во ред и гласањето продолжило.