Сепак, пред тоа ќе чекаат и мислење и оценка од Министерството за здравство и од Комисијата за заразни болести
Имајќи предвид дека пратениците и службите во Собранието се вакцинирани и со втора доза, плановите се од наредната седница да бидеме во редовната сала, информира денеска претседателот на Собранието Талат Џафери.
Сепак, пред тоа ќе чекаат и мислење и оценка од Министерството за здравство и од Комисијата за заразни болести.
„Таа сала би се отворила и за новинарите, но сѐ зависи од тоа кој ќе биде ставот на државната здравствена комисија“,
рече Џафери на денешниот брифинг.
Пратениците уште од 4 август лани седниците ги одржуваат во салата со куполи, согласно здравствените протоколи за заштита од ширење на ковид-19.