Дел од имињата на таканаречениот трет ешалон на власта ќе бидат познати од наредната недела.
Како што најави премиерот Зоран Заев, ќе почнат да се распишуваат конкурсите за таму каде што е потребно, а рече дека е оптимист дека и надзорните одбори ќе ги почнат постапките за избори и именувања.
„Моите очекувања се дека сите именувања или постапки за именувања како активности ќе бидат отпочнати не подоцна од 15 октомври, а некаде дури и ќе завршат изборите“,
рече денеска Заев одговарајќи на новинарско прашање.
Според него, државата има многу акционерски друштва во кои надзорните одбори распишуваат конкурси и потоа именуваат директори на седница на надзорен одбор, а и министрите се надлежни во делот на селекција на некои директорски раководни места.
„Очекувам следната недела да почне процесот на именувањата на директорите, а готови сме со државните сектретари и веројатно секој од министрите ќе може во текот на следната недела да ми каже за именувањето на државните секретари кои следуваат во процесот на кадровското екипирање после парламентарните избори“,
додаде Заев.