Министерката за образование и наука Мила Царовска, пак, во интервју за МИА порача дека нема друга опција освен да ја спроведе државната матура, дека сега сите рокови се одминати за да се прави нов концепт за матура, кој е во план да се подготвува за наредната година
Сојузот на средношколци најавува дека бојкотот на наставата кој почна со второто полугодие ќе биде заклучно со утре, додека следната недела (од 6 до 12 февруари) привремено ќе го прекине бојкотот, за што одлука донело Генералното собрание на Сојузот.
Од Сојузот тврдат дека по средбите со парламентарните партии тие се сигурни во поддршката од повеќе од 70 пратеници и на ваков начин им оставаат можност и време на институциите да ги прифатат и нивните барања.
Во понеделникот пратеничката група на ВМРО-ДПМНЕ поднесе предлог-закон за измени и дополнување на Законот за средно образование, во согласност со барањата на Сојузот – на државната матура да полагаат два наместо четири предмети.
Поддршка добија и од Левица.
Од Сојузот денеска повторно укажаа дека бојкотот e последица на немањето слух на институциите за нивните проблеми, укажувања, аргументи и конкретни предлози и дека целта не е губење на настава и учење, туку изменување на државната матура за оваа година.
Министерката за образование и наука Мила Царовска, пак, во интервју за МИА порача дека нема друга опција освен да ја спроведе државната матура, за која вели дека сите ученици што сакаат да полагаат во рокот ги пријавиле предметите и нема право да им го ускрати тоа право.
Таа порачува дека сега сите рокови се одминати за да се прави нов концепт за матура, кој е во план да се подготвува за наредната година.