Новата малопродажна цена на еуросупер БС-95 ќе изнесува 73 денари за литар, а на еуросупер БС-98 ќе биде 75 денари за литар. Еуродизел БС (Д-Е V) и екстра лесното масло за горење (ЕЛ-1) ќе се продаваат за 65 денари за литар, а мазутот М-1 НС ќе се продава за 36,042 денари за килограм
Цената на еуродизел (Д-Е V) од ноќеска на полноќ се намалува за еден денар, а цената на бензините еуросупер БС-95 и еуросупер БС-98 и екстра лесното масло за домаќинство на (ЕЛ-1) се намалуваат за 0, 50 денари за литар. Цената на мазутот М-1 НС се намалува за 1,113 денари за килограм и сега ќе изнесува 36,042 денари за килограм, одлучи денеска Регулаторната комисија за енергетика (РКЕ).
Новата малопродажна цена на еуросупер БС-95 ќе изнесува 73 денари за литар, а на еуросупер БС-98 ќе биде 75 денари за литар. Еуродизел БС (Д-Е V) и екстра лесното масло за горење (ЕЛ-1) ќе се продаваат за 65 денари за литар, а мазутот М-1 НС ќе се продава за 36,042 денари за килограм.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,986 отсто, кај дизелот за 2,832 отсто, кај екстра лесното масло за 2,299 отсто и кај мазутот намалувањето е за 4,935 отсто.