Еуросупер 95 и 98 ќе се продаваат за 87, односно 89 денари, додека дизелот ќе чини 81,5 денари за литар
Регулаторната комисија за енергетика (РКЕ) одлучи од полноќ да има нови цени на горивата во земјава, со тоа што бензините ќе поевтинат, додека дизелот и екстра лесното масло за домаќинство ќе поскапат.
Според одлуката, цената за литар еуросупер 98 се намалува за еден денар, а на еуросупер 95 за 0,5 денари. На дизелот, пак, се зголемува за 1,5 денари, додека екстра лесното масло за домаќинство ќе биде поскапо за еден денар.
Новите цени кои ќе важат од полноќ се:
- Еуросупер 95 – 87 денари за литар;
- Еуросупер 98 – 89 денари за литар;
- Дизел – 81,5 денари за литар;
- Екстра лесно масло – 81 денар за литар.
Покрај овие, се коригира и цената за мазутот за 0,039 денари, па тој ќе се продава за 46,064 денари за килограм.