Бензинот еуросупер БС-95 ќе чини 93 денари за литар, цената на еуросупер БС-98 ќе биде 95 денари за литар, а еуродизел БС (Д-Е В) ќе се продава за 98,50 денари за литар
Како причина за поскапувањето, од РКЕ ги наведуваат повисоките референтни цени на нафтените деривати на светските пазари
Од ноќеска на полноќ горивата ќе се продаваат по нови повисоки цени, одлучи денеска Регулаторната комисија за енергетика (РКЕ).
Според одлуката на РКЕ, бензините поскапуваат за три денари, дизелот ќе се продава по цена што е повисока за 4,5 денари, а екстра лесното масло за домаќинство за пет денари.
Од полноќ бензинот еуросупер БС-95 ќе чини 93 денари за литар, цената на еуросупер БС-98 ќе биде 95 денари за литар, а еуродизел БС (Д-Е В) ќе се продава за 98,50 денари за литар.
Зголемена цена ќе има и екстра лесното масло за домаќинство (ЕЛ-1) кое поскапува за пет денари и од полноќ ќе се продава за 98 денари.
РКЕ ја зголеми и цената на мазутот М-1 НС за 2,726 денари за килограм, со што максималната цена ќе изнесува 48,099 денари за килограм.
Како причина за поскапувањето, од РКЕ ги наведуваат повисоките референтни цени на нафтените деривати на светските пазари.
Во однос на претходната пресметка, цените на бензините се зголемени за 6,229 отсто, на дизелот за 7,442 отсто, на екстра лесното масло за 8,051 отсто, а на мазутот за 8,159 отсто.
„Имајќи ги предвид влијанијата на погоре наведените елементи во формирањето на цените на нафтените деривати согласно Методологијата, малопродажните цени на нафтените деривати, се зголемуваат во просек за 4,55 отсто“,
се вели во одлуката на РКЕ.