Цените на бензините, пак, денеска нема да се менуваат и остануваат исти
Дизелот и екстра лесното масло за домаќинство од ноќеска на полноќ ќе поскапат за три денари, соопшти Регулаторната комисија за енергетика (РКЕ). Цените на бензините, пак, денеска нема да се менуваат и остануваат исти.
Според одлуката на РКЕ, цената на еуросупер БС-95 ќе биде 89 денари за литар, на еуросупер БС-98 ќе изнесува 91,5 денари за литар, а литар еуродизел БС (Д-Е V) ќе се продава за 96,5 денари. Екстра лесното масло 1 (ЕЛ-1) од ноќеска на полноќ ќе се продава за 93 денари за литар, а мазутот М-1 НС 51,686 денари за килограм.
Со оваа одлука се врши зголемување на малопродажните цени на нафтените деривати во просек за 1,31 отсто во однос на одлуката од 22.08.2022 година.