Според одлуката, од полноќ новата цена на дизел-горивото ќе биде 104 денари за литар
Од ноќеска на полноќ малопродажната цена на еуродизел (Д-Е V) се намалува за 2,5 денари, а на екстра лесното масло за домаќинство (ЕЛ-1 ) за 2 денари по литар, соопшти Регулаторната комисија за енергетика (РКЕ).
Според одлуката, новата цена на еуродизел (Д-Е V) ќе биде 104 денари, а на екстра лесното масло за домаќинство (ЕЛ-1) 103 денари за литар.
Малопродажните цени на бензините еуросупер БС-95 и еуросупер БС-98 и на мазутот М-1 НС денеска не се менуваат.
Еуросупер БС-95 и натаму ќе чини 109,00 денари за литар, еуросупер БС-98 се продава за 111,5 денари за литар, а мазутот М-1 НС за 53,305 денари.